قاستەر سارقىتقان

               ***** ءبىر عاسىرعا جۋىق كورىپ جارىقتى، قانشاما جىل باسقارىپ ەد حالىقتى. مۇحيتىنا ەركىن جۇزگەن داۋلەتتىڭ، پاتشانى اجال جەتىپ، الىپتى.   تالعامىنىڭ بيىگىمە، قاتەسى، وتىز ايەل جەسىر قالدى ەرتەسى. قىرىق ملرد. جيعان ەكەن تىرلىكتە، جەتى ۇل مەن ون بەس قىزدىڭ اكەسى.   تەك قۇرمەتپەن كومكەرىلگەن عۇمىرى، قۇلاپ تىندى، جالعان بولىپ تۇعىرى. اتسىز بەيىت نۇكتە بولىپ قالقايدى، سەكىلدەنىپ بايتەرەكتىڭ تۇعىلى. ***** كىمگە ءمالىم قانداي، قانشا تاتارى، جۇلدىزىنىڭ جارقىراۋى، باتارى. ءبىر جاس جىگىت ماڭگىلىككە اتتانىپ، دوستارىنىڭ سيرەپ ەدى  قاتارى.   ءومىر بويى ەڭبەگىمەن ەتى ولگەن، ءبىر بولمەلى پاتەر ءتيىپ "وتەلگەن". بايتاق قازاق دالاسىنىڭ  مۇڭىن ول، ايادايىن بولمەسىندە كوتەرگەن.   بۇلا قىردىڭ، ءورشىل مىنەز بۇلانى، ۇلتى بولعان عۇمىرىنىڭ ۇرانى. قالدى ارتىندا بايلىق ەمەس، مۇراتى، جالعىز عانا جارى مەنەن ۇلانى. ***** ءبىر مۇڭلى جىر باستالاتىن الديدەن، شىعارىپ تا  سالادى ەكەن پانيدەن. عارىش جاقتان كەلىپ-كەتىپ جاتقانداي، ساۋلە كورەم جۇرەگىممەن ءار ۇيدەن.   سونداي ساۋلە ۇشىپ شىقتى سارايدان، (سارايلاردا قالىپ ەدى تالايدان). ەسكى ۇيدەن ۇزاپ كەتكەن  سول ساۋلە، بارلىعى دا جارالعان ءبىر ارايدان.   دۇنيەدە  ءومىر-ولىم تەل ەكەن، ءومىر -ەسىك، جاقسى ءولىمى - ءتور ەكەن. پاتشا دا، ازاماتتا ەلى ءۇشىن، ەڭبەك ەتسە، ءتاڭىر الدى تەڭ ەكەن.